AQSH prezıdenti Djo Baıden Ulttyq barlaý dırektorynyń ofısine barǵan kezde Reseımen qarym-qatynas týraly aıtty, dep jazady Deutsche Welle basylymy.
Baıden Reseı prezıdenti Vladımır Pýtınniń ıadrolyq qarý men munaı uńǵymalarynan basqa eshteńeden turmaıtyn ekonomıkanyń usharbıiginde otyrǵany onyń "naǵyz problemasy" dep atady.
Baıden sondaı-aq Reseı bıligin jalǵan aqparat taratý arqyly amerıka kongresiniń 2020 jylǵy saılaýyna aralaspaq boldy dep aıyptap, muny egemendikke qol suǵý dep atady.
Budan bólek AQSH prezıdenti kıbershabýyldardyń údeı túsýine baılanysty alańdaýshylyq bildirip, "eger iri derjavamen soǵys órti tutana qalsa, ol hakerlik shabýyl kesirinen bolady" dedi.
Bir apta buryn Vashıngton Beıjińdi Microsoft Exchange Server serısi arqyly aýqymdy kıbertyńshy operasıasyn júrgizdi dep aıyptaǵan. Sondaı-aq Aq úı birneshe ret Kremldi bopsalaýshy baǵdarlamalar kómegimen júrgizilgen shabýyldarǵa qarsy shara qabyldaýǵa shaqyrǵan. AQSH bul shabýyldar Reseı aýmaǵynan jasalǵan dep sanaıdy.
Pikir qaldyrý