2021 jylǵy 1 shildedegi jaǵdaı boıynsha 15 796 myń sheteldik azamat jergilikti atqarýshy organdardyń ruqsaty boıynsha Qazaqstanda eńbek etip jatyr, dep habarlady eńbek jáne halyqty áleýmettik qorǵaý mınıstrliginiń baspasóz qyzmeti.

– Sheteldik jumys kúshin (SHJK) tartýǵa berilgen ruqsattardyń ishinde mynadaı sanattar bar: birinshi sanat – 651 (basshylar jáne olardyń orynbasarlary), ekinshi sanat – 3 281 (qurylymdyq bólimshelerdiń basshylary). Tartylǵan SHJK-niń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe 7 600 adam jáne 410 adam.

"Maýsymdyq jumystarǵa – 1 939 adam, al korporatıvtik aýystyrý sheńberinde – 1915 adam tartylǵan" delingen málimdemede.

Qazir Qazaqstanda SHJK paıdalanatyn 1 793 jumys berýshi bar. Olarda shamamen 484 myń Qazaqstan azamaty jumys isteıdi, bul jalpy jumysshylar sanynyń 97%-yn quraıdy.

Eńbekshi mıgranttar shyǵatyn negizgi elder tómendegideı:

Qytaı – 3 782 adam, Ózbekstan – 1 953 adam, Túrkıa – 1 633 adam, Úndistan – 1 051 adam, Vengrıa – 992 adam, Ulybrıtanıa – 959 adam.