Qazaqstandyq boksshy Sáken Bıbosynov Tokıo olımpıadasynyń fınalyna shyǵa almady, dep habarlady Olympic.kz saıty.
Bokstan 52 keli salmaqtaǵy jartylaı fınaldyq jekpe-jekter aıaqtaldy. Qazaqstandyq Sáken Bıbosynov tóreshiler sheshimimen qarsylasyna jol berdi.
Kezdesýdiń birinshi raýndynda Sáken nokdaýn alyp, brıtanıalyq Djalal Iafaı aıqyn basymdyqpen alǵa shyqty.
Ekinshi raýndta bes tóreshiniń úsheýi ǵana Bıbosynovtyń basymdyǵyn moıyndaǵan. Sheshýshi úshinshi raýnd qorytyndysy boıynsha 3:2 esebimen ulybrıtanıalyq Djalal Iafaı jeńiske jetti.
Osylaısha, Sáken Bıbosynov Tokıo olımpıadasynyń qola júldegeri atandy.
Qazaqstandyq boksshylar enshisinde alǵash ret olımpıada altyny joq.
Pikir qaldyrý