Jyl basynan beri 110 qylmystyq is tirkelgen, onyń 60-y PTR anyqtamasyn, 50-i vaksınalaý pasportyn qoldan jasaýǵa qatysqan, dep habarlady Polisia.kz saıty. 

– Jalǵan medısınalyq qujattardy usynýdyń tutas sqemalary anyqtaldy. Keıbir týroperatorlar jalǵan vaksınasıa pasporttaryn shyǵarýmen jáne satýmen aınalysqan. Sonymen qatar olardy temirjol vokzaldarynda, áýejaılarda jáne memlekettik shekaranyń ótkizý pýnktterinde iske asyrý faktileriniń joly kesildi, – dedi ishki ister mınıstri Erlan Turǵymbaev. 

PTR anyqtamasyn jáne jalǵan vaksınalaý pasportyn qoldan jasaǵany úshin 28 adam, onyń ishinde 20 medısına qyzmetkeri (6 dáriger, 14 medısına qyzmetkeri) jáne 8 deldal ustalǵan.

Sondaı-aq áleýmettik jelilerde jalǵan vaksınalaý pasporttary men PTR anyqtamasy satylatyny týraly 70 jarnama anyqtalǵan, onyń 37-si qazirdiń ózinde buǵattalǵan.

4 qylmystyq is boıynsha úkim shyǵarylǵan. 43 qylmystyq isti tergeý men saraptamalyq zertteý jumystary júrgizilip jatyr.