Qaraǵandy oblysynda 500 adam shaqyryp, qyzynyń uzatý toıyn jasaǵan jer qatynastary basqarmasynyń basshysy Qalel Maqsutov qyzmetinen ketti. Bul týraly óńir ákimdigi Jeńis Qasymbek onlaın rejıminde ótken aparattyq keńeste habarlady.

– Búgingi kúnnen bastap jer qatynastary basqarmasynyń basshysy Maqsutov Qalel Muqataıuly karantındi óreskel buzýy, ıaǵnı pandemıa kezinde toı sharalaryn uıymdastyrýyna baılanysty qyzmetinen bosatyldy.

Taǵy da eskertemin: mundaı zańsyzdyqtar úshin jaza óte qatal bolady. Munda memlekettik qyzmetkerdiń qyzmettik etıkasynyń barlyq normasy buzylǵan.

Oblysta koronavırýstyq ınfeksıaǵa qarsy is-qımyl boıynsha júrgizilip jatqan úlken jumysty qunsyzdandyrmańyzdar. Turǵyndardyń kóńilin qaldyrmańyzdar.

Mártebelerińiz nemese jumys ornyna qaramastan áreketterińizge jaýap beresizder!”, – deıdi oblys ákimi Jeńis Qasymbek.

Oqıǵa 7 tamyzda bolǵan. «109» nómirine «Arısta» meıramhanasynda jappaı is-shara ótkizilip jatqany týraly habarlama kelip tústi.

Oqıǵa ornyna Qaraǵandy qalasynyń polısıa, sanepıdbaqylaý jáne ákimdik qyzmetkerlerinen turatyn mobıldi top shyqty.

Mekemeniń janynda kóptegen kólikter bolǵandyqtan jáne meıramhananyń ózinde 400-ge jýyq adam bolǵandyqtan, aýmaqty qorshaý úshin polısıanyń qosymsha narády shaqyryldy.