Prezıdent Qasym-Jomart Toqaev Tokıoda ótken olımpıada oıyndaryna qatysty áleýmettik jelidegi paraqshasynda pikir bildirdi.

– Qazaqstannan 93 sportshy qatysty. Jeńiske jetý jolynda bar kúsh-jigeri men sheberligin kórsetken atletterge alǵysymdy bildiremin. Olımpıadanyń qola júldegerlerin quttyqtaımyn. Bul uzaq ýaqyt boıy júrgizgen tabandy jattyǵýlardyń jaqsy nátıjesi, – dedi memleket basshysá.

Toqaevtyń aıtýynsha, ulttyq quramnyń olımpıadadaǵy kórsetkishi sport sekildi asa mańyzdy salada shuǵyl ári tıimdi reformalar júrgizý qajet ekenin kórsetken.

Prezıdent óz sózinde buqaralyq jáne balalar sportyn damytýǵa kóńil bólip, sol arqyly álemdik arenada úlken tabystarǵa qol jetkizýge umtylý qajettigin atap ótti.

– Alaıda, 8 qola medal alyp, jalpy komandalyq esepte 83-orynǵa taban tiregen Ulttyq quramanyń bul kórsetkishi Qazaqstannyń sporttaǵy áleýetine jáne memleket tarapynan sportty damytýǵa bólinip otyrǵan mol qarajatqa sáıkes kelmeıdi.

Tokıo olımpıadasynan sabaq alyp, Parıjde ótetin kelesi oıyndarda halyq úmitin aqtaıtyndaı nátıjege qol jetkizý kerek, – dep Qasym-Jomart Toqaev sózin túıindedi.