Ulttyq quramanyń bas bapkeri Ǵalymbek Kenjebaev Tokıo Olımpıadasyn qorytyndylap, aldaǵy josparlarymen bólisti, dep habarlady Vesti.kz.

Bas bapkerdiń aıtýynsha, elde myqty rezerv bar. Endi solardyń áleýetin paıdalaný kerek. Al, quramada júrgen jigitterdiń keıbiri kásipqoı mansabyn aıaqtap, keıbiri kásipqoı boksqa aýysatyn kórinedi.

Ulttyq qurama jazǵy oıyndardan 1 altyn, 1 kúmis jáne 1 qola alýdy josparlapty. Biraq úmit artqan jigitter alǵashqy aınalymdardan ushqan.

– Osy turǵyda tóreshilerdiń jumysyna da biraz suraq bar. Sebebi, olar kompúterlik tehnologıa boıynsha kezdeısoq tańdaldy. Keıbiri daıyndyqsyz keldi. Tipti aǵylshyn tilin bilmeıtinderi de bar. Sonyń saldarynan ártúrli keleńsizdikter oryn alyp jatty. Qalaı bolǵanda da endi esti jınap, qatelikterdi túzep, aldaǵy Olımpıadaǵa durystap daıyndalý kerek. 

– Qazir elde bokstyń rezervi myqty. Olımpıadaǵa bara almaı qalǵan jigitter bar. Olar 2024 jyly ótetin Parıj oıyndarynda jarqyraıtyn bolady. Tokıodan keıin quramadaǵy sportshylardyń birazy ketedi. Jalpy alǵanda býyn almasý prosesi bolady. Osy rette jastardyń tájirıbe jınaqtap, kelesi tórt jyldyqqa jaqsy daıyndyqpen barýyna múmkindikteri bar. Quldyraýdan keıin áli-aq bıikke kóterilemiz, – dedi bas bapker  Ǵalymbek Kenjebaev.