Bilim jáne ǵylym mınıstri Asqat Aımaǵambetov álippe oqýlyǵy 1 qyrkúıekten bastap qoldanysqa enetinin habarlady. Bul týraly ol mınıstrliktiń apparat jınalysynda aıtty.
– Osy saltanatty sharada (1 qyrkúıekte-red) alǵash mektep tabaldyryǵyn attap jatqan 1-synyp oqýshylaryna álippeni ustatýymyz kerek. Bul – óte jaqsy dástúr. Álippe – balanyń eń alǵashqy oqýlyǵy. Sondyqtan byltyr aıtqandaı, álippeni daıyndadyq. Jalpy álippe daıyn. Óńirlerge jetkizilip jatyr, – dedi mınıstr.
Aımaǵambetov "Álippe" men "Býkvar" daıyndalyp, ana tili boıynsha da daıyndyq jumystary júrgizilgenin atap ótti.– Álippe boıynsha ádiskerler men ǵalymdar aýqymdy jumys atqardy. Ult ustazy Ahmet Baıtursynovtyń 1912 jylǵy álippesindegi basty qaǵıdat negizinde oqýlyqty ázirledik. Bul ádisteme boıynsha kóp másele kóterildi. Onyń negizgi ustanymyndaǵy dybyspen jattyǵý, árbir dybystyń sóz jasaýdaǵy qyzmetin eske alý, býyn boıynsha oqý, ońaıdan qıynǵa, jeńilden kúrdelige ótý qaǵıdasyn saqtadyq, – dedi bilim mınıstri.
Mınıstr ataǵandaı, álippede barlyq oqý maqsaty saqtaldy. Sondyqtan ádistemelik jaǵynan balanyń jas ereksheligine sáıkes jumystar júrgizilip jatyr.
– Balalar álippeni I-II toqsanda oqysa, ana tilin III toqsannan bastap oqıdy. Osy jumysty barlyq óńirler tıisti deńgeıde júzege asyrady, – dep sózin túıindedi Asqat Aımaǵambetov.
Pikir qaldyrý