Aqmola oblysynda jol apatynan 3 adam kóz jumdy. Bul týraly oblystyń polısıa departamenti habarlady.
Qaıǵyly oqıǵa 9 tamyz saǵat 12:10-da Nur-Sultan-Petropavl avtojolynda bolǵan. 43 jastaǵy "Skoda" avtokóliginiń júrgizýshisi araqashyqty saqtamaı bir baǵytta júrip kele jatqan "ZAZ Chance" kóligimen soqtyǵysqan.
Saldarynan "ZAZ Chance" kóligindegi 24, 27 jáne 29 jastaǵy úsh jolaýshy oqıǵa ornynda qaıtys boldy.
Al osy kóliktiń 23 jastaǵy júrgizýshisi men "Skoda" avtokóliginiń 18 jáne 19 jastaǵy jolaýshylary Bulandy aýdandyq aýrýhanasyna jetkizilgen.
Qazirgi ýaqytta "Skoda" avtokóliginiń júrgizýshisine qatysty Qylmystyq kodekstiń 345-baby 4-tarmaǵy (Kólik basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha sotqa deıingi tergeý bastaldy.
Posmotret etý pýblıkasıý v Instagram
