Shymkent qalasynyń Polısıa departamenti Patrúldik polısıa polkiniń qyzmetkerleri aǵymdaǵy jyldyń qańtar jáne shilde aılarynyń aralyǵynda reıdtik is-sharalar ótkizý barysynda mas kúıinde kólik quralyn basqarǵan 371 júrgizýshini ustady.

Atalǵan júrgizýshiler Qazaqstan Respýblıkasynyń Ákimshilik quqyq buzýshylyq týraly Kodeksiniń 608-baby boıynsha jaýapkershilikke tartyldy.

Zańnamaǵa sáıkes júrgizýshiniń kólik quralyn alkogóldik, esirtkilik jáne (nemese) ýytqumarlyq masań kúıde basqarýy, sol sıaqty kólik quralyn alkogóldik, esirtkilik jáne (nemese) ýytqumarlyq masań kúıdegi adamnyń basqarýyna berý – 15 táýlikke ákimshilik qamaqqa alýǵa jáne 7 jyl merzimge kólik quralyn basqarý quqyǵynan aıyrýǵa alyp keledi.

Polısıa qyzmetkerleri avtokólik ıelerine jol júrý erejelerin qatań saqtaý qajettigin, sondaı-aq mas kúıde kólik júrgizgeni úshin jaýapkershilik týraly eske salady.