Karateden XXXII Jazǵy Olımpıada oıyndarynyń júldegerleri Darhan Asadilov pen Sofá Berýlseva týǵan jerge oraldy. Shymkent qalasynyń halyqaralyq áýejaıynda jeńimpaz sportshylardy jerlesteri zor qoshemetpen kútip aldy.

– Ońaı jarys bolǵan joq. Qarsylastar da óte myqty. El úshin, jer úshin, tý úshin bar kúshimizdi saldyq. Buıyrǵany osy eken. Elge oralǵansha ókinish sezimi boldy, alaıda jaqyndarymnyń, otandastarymnyń qoldaýy men qýanyshyn kórip, barlyǵyn umytyp, marqaıyp qaldyq, –  dedi Darhan Asadilov olımpıada oıyndarynyń qola júldegeri 

– Men Qazaqstan úshin kúrestim, bárimiz kúrestik! Barlyq sportshylar óz kúshterin salǵandyǵyna kúmánim jóq. Alda odan da bıik shyńdardy baǵyndyramyz. Barlyqtaryńyzdyń qoldaýlaryńyzǵa rahmet.

Shymkent qalasynyń ákimi Murat Áıtenov ǵalamdyq básekede júldeger atanǵan sportshylardy áýejaıdan qarsy alyp, jerlesterimizdi jarqyn jeńisimen quttyqtady. Tórt jyldyqtyń basty básekesinde el úmitin aqtaǵanyn, aldaǵy dúbirli dodalarda odan da joǵary jetistikterge jetýlerine sáttilik tiledi. Qala ákimi saıypqyran sportshylarǵa demeýshi azamattardyń atynan temir tulpardyń kiltin tabys etti, – dedi Sofá Berýlseva olımpıada oıyndarynyń qola júldegeri

– Jeńimpazdardy shyn kónilmen quttyqtaımyz. Árıne, bul olardyń kópkúndik tabandy jattyǵýlarynyń áserli nátıjesi bolyp tabylady. Alda odan da úlken jetistikke jetip, el úmitin aqtaýda sáttilik tileımin, – dedi Murat Áıtenov Shymkent qalasynyń ákimi

Aıta ketsek, Tokıo Olımpıadasynda Shymkent qalasynan 10 sportshy baq synaǵan bolatyn. Karate sportynan Darhan Asadilov pen Sofá Berýlseva jartylaı fınalǵa deıin jetip, qola júldeger atandy.