Aqtaýda 12 jastaǵy bala kóshede kenetten kóz jumdy.  Bul týraly Lada saıty habarlady.

Aldyn ala málimet boıynsha, balanyń júregi toqtap qalǵan. Oqıǵaǵa qatysty Aqtaý qalasynyń turǵyndary men oqıǵa kýágerleri áleýmettik jelide mynadaı jazba qaldyrdy.

"Úshinshi yqshamaýdanda bala qaıtys boldy. Biz jedel járdem kóligin 40 mınýt kúttik. Sosyn olar  ata-analar kelmeıinshe, biz eshteńe istemeımiz deıdi. Balanyń ata-anasyn qaıdan izdep tabamyz? Adamdar jerde jatqan balany kórip,  úndemeı ótip bara jatyr, – deıdi olar.

Mańǵystaý oblysy jedel járdem stansıasynyń dırektory Aıralbek Shyrshyqbaevtyń aıtýynsha, balanyń júregi dárigerler kelgenge deıin toqtap qalǵan.

– Brıgadaǵa shaqyrtý túskennen keıin oqıǵa ornyna 9 mınýtta jetip, balany birden tekserdik. Alaıda balanyń júregi dárigerler kelgenge deıin toqtap qalǵan. Osyǵan qaramastan, feldsherler 30 mınýt júrek-ókpe reanımasıasyn júrgizgen. Ókinishke qaraı, bul – nátıje bermedi. Balany kóshede ótip bara jatqan adamdar taýyp, habarlaǵan, – dedi A. Shyrshyqbaev.