Áleýmettik jelilerde Aýǵanystannyń astanasy Kabýldan ushyp bara jatqan ushaqtan qulaǵan adamdardyń vıdeosy jarıalandy.

Vıdeoda ushaqtan adamdardyń qulap jatqanyn kórýge bolady. Beıresmı aqparattarǵa súıensek bul Kabýldan ketkisi keletin adamdar dep boljanýda. Ázirge naqty adam sany belgisiz.

"Ushaqqa jasyrynyp mingen eki adamnyń jerge qulap túsken vıdeosy áleýmettik jelilerde tarala bastady" delingen jergilikti Shamshad News telearnasy taratqan aqparatta.

Buǵan deıin AQSH áskerı kúshteri Kabýl áýejaıynda aýǵandyqtarǵa oq jaýdyrǵannan keıin birneshe adam qaıtys bolǵanyn habarlaǵan. Keıinnen AQSH áskerı kúshteri Aýǵanstan astanasynyń áýejaıynyń ushý jolaǵynda kóp adam jınalǵandyqtan eskertpe túrinde oq atqany aıtyldy.

Exclusive - The video shows a flight from #Kabul airport where two people are thrown from a plane into the the people's homes.#Afghanistan #Taliban pic.twitter.com/GlSgjNApJj

— Aśvaka - آسواکا News Agency (@AsvakaNews) August 16, 2021

Not a scene of Hollywood, it’s Just #Kabul air port, people want to run away, after the Capture of Kabul by the #Talibans #Afghanistan
By: @Mukhtarwafayee pic.twitter.com/ZLYieJm9mX

— Aśvaka - آسواکا News Agency (@AsvakaNews) August 16, 2021

15 tamyz kúni Talıban qozǵalysynyń sodyrlary Aýǵanstan astanasy Kabýlǵa kirip, prezıdent saraıyn basyp alǵany habarlanǵan. Olar is júzinde Aýǵanstan Islam Ámirliginiń qurylǵanyn jarıalap, eldegi bılikti basyp aldy. 

Reuters aqparattyq agenttigi Aýǵanstan prezıdenti Ashraf Ǵanı tálipter Kabýlǵa kirgennen keıin Kabýl áýejaıynan óz elin tastap ketkenin málimdegen.

Talıban – Aýǵanstandaǵy bılikti basyp alǵan dinı ekstremıstik uıym. Oǵan Qazaqstanda, Reseıde jáne basqa da birqatar elde tyıym salynǵan.