Kámelet jasqa tolmaǵan jasóspirimder arasynda qylmysty boldyrmaý jáne quqyq buzýshylyqtyń aldyn alý maqsatynda Shymkentte keshki-túngi reıdtik jumystar ótýde. Osy baǵytta jastar resýrtyq ortalyǵy jáne polısıa qyzmetkerleri birlesip qoǵamdyq oryndardy aralap, baqylaý jumystaryn júrgizdi.

– Shara barysynda adam kóp shoǵyrlanǵan qoǵamdyq oryndarda, oıyn saýyq ortalyqtarynda túngi ýaqytta zańdy tulǵanyń erip júrýinsiz kóńil kóterip júrgen birqatar jasóspirim anyqtalyp, polısıa bólimine jetkizildi. Uıymdastyrýshylardyń aıtýynsha basty maqsat jastardy aıyppul arqalatý emes, kerisinshe túsindirme jumystaryn júrgizý, – Erlan tursynbekuly «Jastar resýrstyq ortalyǵy» komýnaldyq memlekettik mekemesi basshysynyń orynbasary

Anyqtalǵan azamattardyń ata-analaryna jekeleı túsindirme jumystary júrgizildi. Tekserý jumystaryna quzyrly organ ókilderimen qatar erikti jastar da atsalysty. Bundaı sharalar aldaǵy ýaqytta da jalǵasyn tabady. Aıta keteıik, jyl basynan beri úshinshi megapolıs aýmaǵynda 8 reıdik sharalar uıymdastyrylǵan. Nátıjesinde qoǵamdyq oryndarda tártip buzýshylyq kórsetkishi tómendegen.