QR DSM Medısınalyq jáne farmasevtıkalyq baqylaý komıtetiniń Shymkent qalasy boıynsha departamenti basshysynyń orynbasary Lázzat Qashqymbaeva jáne Shymkent qalalyq Densaýlyq saqtaý basqarmasynyń basshysy Baqytjan Pozılovtyń qatysýymen brıfıń ótti. Baspasóz májilisindedárixanalar, medısınalyq buıymdardyń qory jáne emshara kabınetteriniń jumysy týraly aıtyldy.

Qazirgi tańda elimizde vaksınalaý boıynsha Shymkent qalasy 1-orynda tur. Qala boıynsha búginde I komponentpen 391 972 adamǵa, İİ komponentpen 316 030 adamǵa ekpe egildi. Ujymdyq ımýnıtet qalyptastyrý arqyly biz aty jaman indetti jeńe alamyz. Barlyq qala turǵynyn ekpe qabyldap, myna dertpen birge kúresýge shaqyramyn. Búginde medısına qyzmetkerleri qatań jumys isteý rejımine kóshti. Iaǵnı senbi, jeksenbi kúnderi de ekpe alýǵa múmkindikter qarastyrylyp otyr, – dedi basqarma basshysy Baqytjan pozılov – shymkent qalalyq densaýlyq saqtaý basqarmasynyń basshysy

Qalada ótken táýlikte I komponentpen 2 658 adamǵa, İİ komponentpen 3 706 adamǵa vaksına salyndy. Bul rette turǵyndardy vaksınasıalaýdy uıymdastyrý úshin 43 egý beketi bar. Odan bólek, 25 jyljymaly egý beketi jumys jasaıdy.

Ózin-ózi jáne dıagnostıka men emdeý hattamasyn saqtamaý aýyr naýqastar úlesiniń artýyna alyp kelgen. Antıbıotıkterdi negizsiz taǵaıyndaý keıinnen aǵzanyń ınfeksıalarǵa tózimdiligine áser etedi. Dárihanalarda ashylǵan emdeý bólmelerinde juqpaly aýrýlardy emdeýge lısenzıa joq. Iaǵnı, buǵan ruqsaty joq medısınalyq qyzmet kórsetý faktileri bolyp esepteledi.Sonymen qatar, departament sapasyz medısınalyq kómek kórsetý jónindegi ótinishterdi qaraıdy.