Densaýlyq saqtaý mınıstri Alekseı Soı búginde shekteý sharalaryna qaramastan toı-tomalaq tyıylmaı turǵanyn aıtyp, úkimettiń qaraýyna birneshe usynys aıtty. 

– Toı-tomalaq ótkizý áli de jalǵasyp jatyr. Ondaı jıyndarǵa adam kóp jınalady. Al sanıtarlyq erejeler saqtalmaıdy. Osyǵan baılanysty monıtorıńtik toptardyń jumysyn kúsheıtýdi suraımyn,  – dedi Soı. 

Mınıstrdiń sózinshe, "Ashyq" júıesin engizgeli "qyzyl" jáne "sary" mártebesi bar 46 067 adam anyqtalǵan. Olardyń 29 930-nyń PTR-testi oń nátıje kórsetken. Ondaı adamdardyń kóbi,  úıde otyrmaı, halyq kóp jınalatyn jerge baryp, aınaladaǵy adamdarǵa qaýip tóndirip júr.

Budan bólek, Alekseı Soı epıdemıologıalyq jaǵdaıdy odan ary turaqtandyrý úshin berneshe usynys jasady. Olar:

• "Qoıý qyzyl" jáne "qyzyl" aımaqtarda demalys kúngi lokdaýndy jalǵastyrý;
• Monıtorıńtik toptar jumysyn kúsheıtý;
• Halyqty vaksınalaýdan kóptep ótkizý;
• Halyq arasynda túsindirý jumysyn kúsheıtý;
• Kásipkerler usynysy negizinde "Ashyq" kóshbasshylary úshin tıisti talaptardy jetildirý.