Homs qalasyndaǵy ǵımarattardyń 60% Bashar Asadtyń áskerı kúshterinen qıratylǵanymen,  alaıda «Apple» kompanıasynyń eks-basshysy Stıv Djobstyń úıiniń murty da buzylmaǵan.

Aıta keteıik, jýyrda shvesarıalyq kásipker Devıd Galbraıt óziniń Twitter paraqshasyna Apple korporasıasynyń negizin qalaýshy Stıv Djobstyń ákesi sırıalyq bosqyn ekendigin rastaıtyn derek jarıalaǵan bolatyn. Bul týraly «Qamshy» portaly ummet.kz-ke silteme jasaı otyryp habarlaıdy.

Djobstyń ákesi Abdel Fattah ál-Djandalı úıi ornalasqan aýdan qalanyń basym bóligi buzylǵan kezde de aman qaldy, dep jazady «Zaman al-vasl» sırıalyq basylymy.

Jergilikti turǵyndardyń aıtýynsha, Djobstyń úıi erekshe qorǵaýdaǵy aımaqta bolǵandyqtan qarýly kúsh aınalyp ótken kórinedi. Bul aımaqta sondaı-aq áskerı qaýipsizdik qurylymy da ornalasqan. Sol sebepti bul aýdan bombylaýǵa ushyramaǵan.

Eske sala ketsek, Sırıa áskerı kúshi eldegi opozısıa kúshteriniń turǵyn úı aýdandaryn bombalap, aımaqty qadaǵalaýda ustaýda. Al, Amnesty International halyqaralyq quqyqqorǵaý uıymy memlekettik áskerdiń bul áreketterin adamzatqa qarsy jasalǵan qylmys dep baǵalady.