Memleket basshysynyń buqaralyq sportty damytý, balalarǵa sporttyq ınfraqurylymnyń barynsha qoljetimdi bolýyn qamtamasyz etý tapsyrmasyna sáıkes Shymkent qalasy Abaı aýdanynda zamanaýı ashyq sport alańshasy el ıgiligine berildi.
Samal 3 shaǵyn aýdany İzgilik jáne Iýsýpov kóshesiniń qıylysynda ornalasqan kóp fýnksıonaldy sport alańshasynyń ashylý rásimine Shymkent qalasynyń ákimi Murat Áıtenov qatysty. Qala basshysy buqaralyq sportty damytýdyń negizinde saý ári sanaly urpaqty, myqty ultty qalyptastyratynymyzdy aıtyp ótti. Sonymen birge barsha qala turǵyndaryn salaýatty ómir saltyn ustanýǵa shaqyrdy.
Sport alańsha jeke kásipker «Eurasian Resources Group» JSHS-niń jeke qory demeýshiligi esebinen salyndy. Qarjy kólemi – 14,5 mln teńge. Qurylysyn júrgizgen merdiger mekeme «Ferroteks» JSHS-gi. Jalpy aýdany 324 sharshy metrdi quraıtyn bul nysanda sporttyq jabdyqtarmen jáne dene shynyqtyrýǵa arnalǵan qondyrǵylarmen jabdyqtalǵan. Munda sporttyń voleıbol, basketbol fýtbol túrimen jáne strıt vorkaýtpen aınalysýǵa bolady.
Buharbaı Parmanov, Shymkent qalasy Abaı aýdanynyń ákimi
– Ózińizdiń turǵyndardyń buqaralyq sportpen aınalysýy men qolaıly ómir súrýine jaǵdaı jasaý týraly bergen tapsyrmańyzǵa sáıkes osy jyly balalar jáne sport alańshalaryn ornatý jumystaryna 1 mlrd 389 mln.teńge qarjy bólindi. Bul qarjylar 21 kópqabatty turǵyn úı aýlalaryn abattandyrýǵa, 12 sport alańshalaryn aǵymdaǵy jóndeýge, 35 sport alańshalaryn ornatýǵa jumsalady.
Buqaralyq sportty damytý boıynsha atqarylǵan jumystar jaıyn aıtyp ótken aýdan ákimi B.Parmanov 2014 jyldan beri aýdanda jalpy 222 aýla abattandyrylyp, 58 sport alańshasy salynǵanyn jetkizdi. Sonymen qatar, Shymkent qalasy Eńbekshi aýdanynda demeýshi esebinen salynǵan jańa sport alańshasy paıdalanýǵa berildi.
Jeke kásipker «Eurasian Resources Group» JSHS–niń jeke qory esebinen salynǵan taǵy bir sport alańshasy Eńbekshi aýdanynda ashyldy. Qarabastaý turǵyn alabyndaǵy paıdalanýǵa berilgen kóp fýnksıonaldy sport alańshasynyń ashylý rásimine Shymkent qalasynyń ákimi Murat Áıtenov qatysty.
Sport alańsha jeke kásipker «Eurasian Resources Group» JSHS-niń jeke qory demeýshiligi esebinen salyndy. Qarjy kólemi – 13 mln teńge. Qurylysyn júrgizgen merdiger mekeme «Ferroteks» JSHS-gi. Jalpy aýdany 324 sharshy metrdi quraıtyn bul nysanda sporttyq jabdyqtarmen jáne dene shynyqtyrýǵa arnalǵan qondyrǵylarmen jabdyqtalǵan. Munda sporttyń voleıbol, basketbol fýtbol túrimen jáne strıt vorkaýtpen aınalysýǵa bolady.
Sport alańshasyn tanystyrý barysynda aýdan ákimi D.Esilbek 2011-2020 jyldar aralyǵynda aýdan aýmaǵynda 85 alańsha qurylǵanyn jáne osy jyly 15 sport alańshasyn qurý josparlanyp jatqanyn baıandady.
Aıta keteıik, Qarabastaý turǵyn alabynda 8932 halyq turady. Onyń ishinde jalpy balalar sany 3370.
Pikir qaldyrý