Koronavırýstyń paıda bolýyn zerttegen AQSH barlaýshylary Baıdenge qupıa qujat tapsyrdy

/image/2021/08/25/crop-5_45_376x669_imrs.webp

AQSH prezıdenti Djo Baıdenge koronavırýstyń paıda bolýyna baılanysty barlaý qyzmetiniń qupıa esebi tapsyryldy, dep jazady Washingtonpost basylymy.

Basylym málimetinshe, barlaýshylar Covid-19-dyń paıda bolýyna baılanysty eshqandaı qorytyndyǵa kele almaǵan. Qujatta "koronavırýs adamǵa tabıǵı jolmen janýardan juqty" jáne "vırýs Qytaıdaǵy zerthanadan taralyp ketken" delingen tanymal eki nusqany rastaıtyn da, teristeıtin de derek aıtylmaǵan.

Washingtonpost resmı tulǵalar jýyq aralyqta barlaý qaýymdastyǵy eseptiń keı elementterin jarıalaıtynyn habarlaǵanyn jazdy.

Esep 90 kúnge sozylǵan zertteý nátıjesi boıynsha ázirlengen. Mamyr aıynda Baıden arnaıy qyzmet ókilderine vırýstyń shyǵýna baılanysty tolyqqandy pikirge jaqyndatýǵa múmkindik beretin esep daıyndaýdy tapsyrǵan. Alaıda kóptegen barlaý derekterine saraptama jasalǵanyna, jańa aıǵaqtar izdestirilgenine qaramastan, barlaý qyzmeti ortaq pikirge kele almaǵan.

Vırýstyń paıda bolýy tóńiregindegi daý byltyr AQSH-tyń burynǵy prezıdenti Donald Tramptyń "vırýs qytaı zerthanasynda jasalǵan" degen sózinen keıin órshı túsken.

Kóptegen ǵalymdar 90 kúndik zertteý vırýstyń shyǵý tórkinin anyqtaýǵa jol ashatynyna kúmánmen qarasa, keı ǵalymdar tergeý birneshe jyldyq zertteýdi qajet etýi múmkin ekenin aıtady.

Koronavırýstyń paıda bolýyn zerttegen AQSH barlaýshylary Baıdenge qupıa qujat tapsyrdy

Qatysty tegter :

Pikir qaldyrý

Qatysty Maqalalar