Bilim jáne ǵylym mınıstri Asqat Aımaǵambetov mektep bitirýshi túlekterdiń UBT-daǵy zańsyz áreketine qatysty pikir bildirdi. 

Buǵan deıin ulttyq testileý ortalyǵy UBT-ǵa kirý barysynda 4 túlektiń (onyń ishinde 1 "Altyn belgi" ıegeri bar) ornyna stýdentter kirýge tyrysqanyn, olarǵa qatysty qylmystyq is qozǵalǵanyn habarlaǵan.

– Eń bastysy zań buzýshylyq bolǵan joq. Biz júrgizgen reformanyń arqasynda jalǵan qujatpen kiremin degen talapkerler UBT tapsyra almady. Dereý aty-jónin tıisti organdarǵa berdik. Eger testileýge kirerde tekseristiń bir ǵana satysy bolsa, qujatty kórsetip, ári qaraı ótip ketetin edi. Qujatty kórsetkennen keıin, Face ID-ǵa barady. Úshinshi kezeńge barǵanda barlyǵy anyqtalady, – dedi mınıstr jýrnalıs Nartaı Aralbaıulynyń ıýtýb kanalyna bergen suhbatynda.

Ol sondaı-aq bıyl zańsyz áreketke barýshylar kóptep anyqtalǵanyn aıtty.

– Júrgizilgen ózgeristerdiń nátıjesinde bıyl testke ózi emes, basqa adamdy jibergen fakti birneshe ese kóp anyqtalyp otyr. Bul – durys sheshim. Zań buzýshylyq bolǵan joq, biz qabyldaǵan, engizgen sheshimniń arqasynda zań buzýshylyqqa jol berilmeı otyr, – dedi ol.