IýNISEF "Aýǵanstandaǵy 10 mıllıon bala gýmanıtarlyq kómekke óte muqtaj" dep eskertedi. Al BUU-nyń Dúnıejúzilik azyq-túlik baǵdarlamasy azyq-túlik kómegi úshin 200 mıllıon dollar suraıdy.

IýNISEF málimetinshe, Aýǵanstandaǵy balalar qazirdiń ózinde gýmanıtarlyq kómekpen ómir súrip jatyr, shamamen bir mıllıon adam "ómirge qaýipti tamaqtanýdan zardap shegedi" dep kútilýde.

Dúnıejúzilik azyq-túlik baǵdarlamasynyń atqarýshy dırektory Devıd Bıslı 14 mıllıon adam, ıaǵnı aýǵan halqynyń úshten bir bóligi "qurǵaqshylyq, qaqtyǵystar, ekonomıkalyq jaǵdaıdyń nasharlaýyna jáne pandemıaǵa baılanysty" azyq-túlikpen qamtamasyz etilmeıtinin aıtty.

Buǵan deıin Dúnıejúzilik bank Aýǵanstanǵa kómek kórsetetin júzdegen mıllıon dollarlyq qarjylandyrýdy toqtatqan.