Beıjiń óziniń ulttyq oqý baǵdarlamasyna Qytaı tóraǵasynyń saıası ıdeologıasyn engizetin bolady. Bul týraly BBC habarlady.

– "Sı Szınpın ıdeıasy" jasóspirimderge markstik senimderdi qalyptastyrýǵa kómektesedi, – dedi Qytaı bilim mınıstrligi jańa nusqaýlyqtarda.

Qytaı komýnıstik partıasy (QKP)  tóraǵasynyń ıdeologıasy bastaýysh mektepten ýnıversıtetke deıin biriktiriletin bolady.

Bul – Sıdiń Qytaı qoǵamyndaǵy ár túrli salalarda QKP-nyń rólin nyǵaıtýǵa baǵyttalǵan sońǵy áreketi.

Mınıstrlik óz málimdemesinde "sosıalızmniń qurýshylary men izbasarlaryn jan-jaqty moraldyq, ıntellektýaldy, fızıkalyq jáne estetıkalyq negizde tárbıeleýdi" maqsat etkenin aıtty.

Ádistemelik nusqaýlarǵa "eńbekqor rýhty tárbıeleý úshin" eńbek tárbıesi men ulttyq qaýipsizdik týraly bilim berý kiredi.

2018 jyly Qytaıdyń joǵarǵy organy konstıtýsıaǵa "Sı Szınpın ıdeıasyn" bekitken.