Qazaqstannyń bas sanıtar dárigeri Erlan Qıasov 2021-2022 oqý jylynda bilim berý uıymdarynda koronavırýstyq ınfeksıanyń aldyn alý maqsatynda jańa qaýly jarıalady.

Qujatqa sáıkes 2021-2022 oqý jylynda barlyq menshik nysanyndaǵy jáne vedimistik baǵynystaǵy bilim berý uıymdarynda shtattyq formatta oqýǵa ruqsat etilgen.

Oblystardyń, Almaty, Nur-Sultan, Shymkent qalalarynyń ákimderi, Bilim jáne ǵylym mınıstrligi, barlyq menshik nysanyndaǵy jáne vedimistik baǵynystaǵy bilim berý uıymdarynyń basshylary tómendegi talaptardy saqtaýy tıis:

• pedagogter men personaldar 100% vaksınasıalanýy qajet;
  
• bilim berý mekemesine kirý kezinde "Ashyq" qosymshasyn engizý kerek; 
  
• maska rejımin saqtalýǵa tıis;
• resırkýlátorlardyń, sanıtaızerlerdiń, antıseptıkterdiń, dezınfeksıalaý jáne jýý quraldar jetkilikti qamtamasyz etilý qajet;
• buqaralyq is-sharalardy ótkizýge tyıym salynady; (mádenı, tárbıe, synyptan tys jáne ata-analar jınalystary jáne t. b.)
  
• mektepke deıingi jáne orta bilim berý uıymdarynda toptar men synyptardy biriktire otyryp is-sharalar ótkizýge tyıym salynady;
• zerthanalyq, praktıkalyq sabaqtardy qospaǵanda, kabınettik oqytý júıesine ruqsat etilmeıdi;
• asqanadaǵy aýa resırkýlátorlarynyń qondyrǵylaryn qamtamasyz ete otyryp, asqanada baqylaý kúsheıtiledi;
• bógde adamdardyń kirýine tyıym sala otyryp, COVID-19-ǵa qarsy vaksınasıa alǵan stýdentter jataqhanaǵa ornalasa alady;

• oqý orny boıynsha aýmaqtyq medısınalyq uıymdardyń egý pýnktterinde COVID-19-ǵa qarsy vaksınasıalaýdyń tolyq kýrsyn aıaqtamaǵan stýdentter vaksına alý qajet;

Sheteldik stýdentter nazaryna:

• turǵylyqty eldiń ýákiletti organymen rastalǵan COVID-19-ǵa qarsy vaksınasıalaýdyń tolyq kýrsyn ótýi tıis;
• shekaradan ótkennen keıin 3 táýlikten keshiktirmeı PTR ádisimen alynǵan COVID-19-ǵa testileýdiń teris nátıje bar bolǵan jaǵdaıda kúndizgi oqý formatyna jiberiledi;
• pedagogtarǵa, personalǵa, ata-analarǵa kelýshilerge, stýdentterge mektepke deıingi jáne orta bilim berý uıymdaryna, kolejderge, ınternattar men jataqhanalardy, asqanalar men býfetterdi qosa alǵanda joǵary oqý oryndaryna QR-kod boıynsha "Ashyq" qosymshasy arqyly kiredi;

Qaýly qol qoıylǵan kúnnen bastap kúshine enedi.