2021 jyldyń İİ toqsanynda bilim salasy qyzmetkerleriniń ortasha jalaqysy 233,9 myń teńge boldy, bul ótken jylmen salystyrǵanda 26,8 paıyzǵa kóp. Bul týraly Ranking.kz saıty habarlady. 

2021 jyldyń İİ toqsanynda bilim salasynda 528,4 myń adam qyzmet etti. Bul ótken jylmen salystyrǵanda 2,5 paıyzǵa kóp. Al 2020 jyldyń II toqsanynda 515,5 myń adam qyzmet kórsetip, ósim kórsetkish 2,9 paıyzdy qurady.

Bilim salasynda eńbek etetinder sany boıynsha Almaty oblysy kósh bastap tur. Onda 68,3 myń adam eńbek etedi. Al eń azy Atyraý oblysynda, onda 14,2 myń adam bar. 

Respýblıka boıynsha mektepke deıingi bilim berý salasy qyzmetkerleriniń ortasha jalaqysy – 116,4 myń teńge, bastaýysh synyp muǵalimderigniki 193,4 myń teńge, orta bilim berý mekemesi ustazdarynda  273,7 myń teńge, JOO oqytýshylaryniki 251,7 myń teńge.

Qosalqy bilim berý qyzmetteri salasynyń qyzmetkerleri 177,1 myń teńge jalaqy aldy. Bir jylda jalaqy mólsheri 11,6% ósken. 

Óńirler boıynsha eń kóp jalaqy alatyndar:

Nur-Sultan – 350,8 myń teńge, ótken jylmen salystyrǵanda 17,6% kóp;

Mańǵystaý oblysy – 268 myń teńge;

Almaty – 265,5 myń teńge. 

Al eń az jalaqy Batys Qazaqstan oblysynda tirkeldi, óńir muǵalimderiniń jalaqysy 200,7 myń teńge. Bul ótken jylǵa qaraǵanda 31,6% joǵary.

Qazaqstannyń 17 óńiriniń tek beseýinde bilim salasy qyzmetkerleriniń tabysy jalpy ortasha jalaqydan asady. Budan ózge jalaqysy kóp óńirlerge Qyzylorda men Almaty oblystary kiredi. 

Bilim jáne ǵylym mınıstrliginiń málimetinshe, 2022 jyly balabaqsha, mektep jáne kolej pedagogteriniń jalaqysy 25% ósedi.