Tálipter sheteldik ásker ketkennen keıin Kabýl áýejaıyn basqarýǵa qoldaý kórsetý úshin Túrkıadan kómek surady. Sondaı-aq 31 tamyzǵa deıin túrik áskerin elden shyǵarýdy  talap etti.  Bul týraly Reuters agenttigi habarlady.

Túrik sheneýnikteriniń (qaýipsizdik maqsatynda sheneýnik aty-jóni atalmaıdy - Reuters) aıtýynsha, bul jaǵdaı olardy tyǵyryqqa tiregen. Túrkıa sońǵy eki apta ishinde evakýasıa jumystaryna qatysyp, NATO-nyń Aýǵanstandaǵy mısıasyn oryndaýǵa atsalysqan. Túrkıanyń áli kúnge deıin Kabýl áýejaıynda júzdegen áskeri bar.

– "Talıban" Kabýl áýejaıyn basqarýda tehnıkalyq qoldaý surady. Túrik qarýly kúshterinsiz áýejaıdaǵy jumysshylardyń qaýipsizdigin qamtamasyz etý qaýipti jumys, – dedi Túrkıanyń joǵary laýazymdy qyzmetkeri.

"Talıban" qozǵalysynyń barlyq túrik áskeri elden ketsin degen talaby kez kelgen mısıany qıyndatyp otyr. Bul másele boıynsha Talıbanmen kelissózder jalǵasyp jatqanyn aıtqan túrik sheneýnigi áskerdi shyǵarýǵa daıyndyq aıaqtalǵanyn málimdedi.