Bilim jáne ǵylym vıse-mınıstri Sholpan Karınova jańa oqý jylyndaǵy sanıtarlyq talaptardy málimdedi.

– Búgingi kúni bas sanıtar dárigerdiń qaýlysy qabyldandy. Osy jaǵdaılardy eskerip, baılanysta bolǵan oqýshylar bar bolatyn jaǵdaıda, olarǵa sınhrondy qashyqtan oqytý formaty uıymdastyrylatyn bolady.

Ata-analardyń ótinishteri negizinde sozylmaly aýrýlary bar balalarǵa medısınalyq uıym anyqtamalary negizinde asınhrondy qashyqtan oqytý formaty usynylatyn bolady, – dedi vıse-mınıstr.

Mektepterde oqý prosesi qatań túrde sanıtarlyq talaptardy saqtaı otyryp júrgiziletin bolady. Ol úshin bilim beretin mekeme tómendegi talaptardy saqtaý tıis.

• kúndelikti termometrıa;
• maskalyq rejım, kvarstaý, jeldetý, dezınfeksıalaý;
• bastaýysh, orta, joǵary synyptardy dálizde aralastyrmaý úshin ár ýaqyttaǵy úzilister;
• aýysymdar sanyn arttyrý;
• pedagogter men mekteptiń basqa da qyzmetkerlerin 100% vaksınasıalaý (medısınalyq qarsy kórsetilimderi bar adamdardy qospaǵanda);
• bir synypqa bir kabınet bekitý júıesi júrgiziledi.