Bilim jáne ǵylym mınıstriniń baspasóz hatshysy Móldir Ábdýalıeva dástúrli formatta oqıtyn oqýshylardyń ata-analarynan balasynyń mektepte oqýyna qarsylyǵy joq ekeni týraly áleýmettik jelide tarap jatqan ótinish úlgisine baılanysty pikir bildirdi.
"Qurmetti ata-analar! Oflaın oqý formaty sapaly bilimdi qamtamasyz etý úshin qajet. Biraq mektepterde osyndaı ótinishter talap etilmeýi tıis. Talap etse, maǵan jazyńyz, ár ótinishti jeke qarastyramyz!" delingen baspasóz hatshy habarlamasynda.
Buǵan deıin áleýmettik jelide mektep basshysynyń atyna ata-anadan jazylǵan ótinish úlgisi taraǵan. Ol jerde ata-ana balasynyń mektepte dástúrli formatta oqıtynyna qarsy emestigi, balasynyń qaýipsizdigi men densaýlyǵyna ózi jaýapty ekeni jazylǵan.
Pikir qaldyrý