Shymkent qalalyq klınıkalyq balalar aýrýhanasynyń ortoped-travmatologtary 14 jastaǵy qyzǵa kúrdeli ortopedıalyq operasıa jasady. Ota kezinde medısına mamandary jasóspirimniń qısyq ósken shyntaq súıegin hırýrgıalyq jolmen qaıta qalpyna keltirip berdi. Balalar dárigerleri mundaı otany alǵash ret jasap, oń nátıjege qol jetkizip otyr.

Naýqas osydan birneshe jyl buryn qolyn aýyr jaraqattap, shyntaq súıegi ósip, kári (lýchevaıa) súıegi óspeı qalǵan. Saldarynan qolyndaǵy súıekteri qısaıyp, ózdiginen qımyl jasaýǵa kedergi keltirgen.

Ota jasalǵan naýqas úsh aı buryn qalalyq klınıkalyq balalar aýrýhanasyna keńes alýǵa kelgen bolatyn. Teksere kele naýqasta jaraqattyń saldarynan súıegi qısaıǵany anyqtaldy. Operasıany birden jasamadyq. Sebebi mundaı ota balanyń súıek ósýi toqtaýǵa jaqyndaǵan kezde jasalady. Operasıa kezinde qatty ósip ketken súıekti qysqartyp, óspeı qalǵan súıekke jalǵap, arnaıy qurylǵymen bekitip berdik. Mundaı otany birinshi ret jasadyq. Osyǵan deıin súıegi qısyq ósken naýqastarǵa ota jasaý úshin Nur-Sultan qalasyndaǵy emdeý mekemelerine joldama arqyly jiberetinbiz. Endi mine mundaı otany ózimiz jasaýǵa daıynbyz.