17 eldiń mıllıondaǵan paıdalanýshylary men kólik júrgizýshilerin biriktiretin, saparlarǵa tapsyrys berý boıynsha álemdegi eń iri tehnologıalyq servısterdiń biri DiDi qazaqstandyq úshinshi qalada, Shymkentte óz jumysyn bastady. Búginnen bastap Shymkent qalasynyń turǵyndary DiDi qosymshasyn App Store men Google Play arqyly júktep, taksıge tapsyrys bere alady.

Biz Qazaqstanda belsendi túrde damyǵymyz keledi, sondaı-aq DiDi ınovasıalyq tehnologıalary men taksoparktermen jáne kólik júrgizýshilermen sapaly seriktestik qarym-qatynastardy qurý bizdiń Shymkenttegi qosymshamyzdyń tabysty jumys isteýine kepil bolatynyna senimdimiz. Biz Qazaqstan turǵyndaryn DiDi-men qoljetimdi jáne qaýipsiz sapar jasaýdy qamtamasyz etý úshin qoldan kelgenniń bárin jasaımyz.

DiDi úshin eń bastysy – jolaýshylar men kólik júrgizýshilerdiń qaýipsizdigin qamtamasyz etý. Ol úshin qosymshada birqatar fýnksıalar qarastyrylǵan: telefon nómirleriniń qupıalylyǵyn saqtaý, jedel baılanys úshin senimdi tulǵalardyń kontaktilerin qosý múmkindigi, dostaryńyzben jáne otbasyńyzben sapar baǵytyn bólisý múmkindigi, olar naqty ýaqyt rejıminde qozǵalysty baqylaı alady, sondaı-aq júıede tańdalǵan kólik júrgizýshini / jolaýshyny alyp tastaý múmkindigi. Sonymen birge qosymshada jolaýshylar men kólik júrgizýshilerge arnalǵan SOS túımesi bar, ol tótenshe jaǵdaılarda quqyq qorǵaý organdarymen baılanysyp, DiDi qaýipsizdik komandasyna sapar týraly málimet berýge jáne aǵymdaǵy turǵan ornyn kórsetýge múmkindik beredi. Budan basqa Qazaqstanda DiDi-men jol júrý kezde jolaýshylar men kólik júrgizýshilerdiń ómiri men densaýlyǵy 4 mln teńgege deıingi somaǵa qosymsha saqtandyrylǵan.

Tanymal qazaqstandyq ánshi Nazıma Jánibekova (NAZIMA) Shymkentte DiDi-diń alǵashqy jolaýshysy boldy.

«Shymkentte DiDi-diń jumys isteı bastaýy – meniń týǵan qalam úshin óte mańyzdy oqıǵa. Men úshin DiDibirinshi kezekte senimdi qyzmet, ony kólik júrgizýshiler men jolaýshylardyń qaýipsizdigi úshin jaýap beretin qosymshanyń kóptegen fýnksıalary, sondaı-aq kólik júrgizýshilerdi irikteýdiń qatań sharttary dáleldeıdi. Men Shymkent turǵyndarynyń óz saparlary úshin osyndaı servısti paıdalaný múmkindiginiń paıda bolǵanyna óte qýanyshtymyn», – dedi Nazıma.

DiDi-diń negizgi qaǵıdaty jolaýshylar úshin qoljetimdi saparlar jáne kólik júrgizýshiler úshin laıyqty tabysbolyp tabylady. Búgingi tańda Shymkentte tirkelgen kólik júrgizýshilerdiń sany bastapqy qoıylǵan maqsattan asyp tústi. DiDi-ge qosylý arqyly kólik júrgizýshiler men taksoparkter joǵary bonýstar men eń tómengikomıssıalar esebinen tabys tabýdyń tartymdy múmkindikterin alady, táýlik boıy qaýipsizdik ortalyǵynyń qoldaýyn qoldana alady, sondaı-aq DiDi-men ázirlengen jáne paıdalanatyn ınovasıalyq ıntellektýaldy dıspecherleý júıesi men aqyldy kólik júıesiniń kómegimen tapsyrystardy tıimdi oryndaı alady.

DiDi Qazaqstannan basqa Qytaı, Avstralıa, Jańa Zelandıa, Japonıa, OAR, Brazılıa, Meksıka, Chılı, Kolýmbıa, Perý, Kosta-Rıka, Panama, Reseı, Domınıkan Respýblıkasy, Argentına jáne Ekvadordy qosa alǵanda, 16 elde jumys isteıdi. DiDi-de 17 servıs bar, onyń ishinde taksıge tapsyrys berý, avtomobılder men velosıpedterdi jalǵa berý, avtobýspen tasymaldaýdy uıymdastyrý, karsherıng, tamaq jetkizý jáne t.b.