Bilim jáne ǵylym mınıstrligi joǵary oqý oryndarynyń bilim berý qyzmetine qoıylatyn talaptar ózgergenin habarlady.

Bul jańashyldyqtar mamandyqtarǵa baılanysty engizildi jáne joǵary bilimniń praktıkalyq baǵdarlanýyn kúsheıtýge baǵyttalǵan.

– Biz barlyq jańashyldyqty joǵary oqý oryndary bilim alýshylarǵa teorıalyq qana emes, praktıkalyq bilim berýi úshin jáne stýdentter tańdaǵan mamandyǵy týraly teorıa boıynsha emes, tájirıbe júzinde ıgerýi úshin engizemiz. Ózgeristerdi engizbes buryn, biz bul tetikterdi bolashaqta JOO túlekterin jumysqa qabyldaıtyn jumys berýshilermen talqyladyq. Iaǵnı, qazir oqytýshylardyń ǵylymı dárejesiniń bolýy jáne olardyń dáris oqýy jetkiliksiz. Oqytýshylardyń bir bóligi stýdentterdi qazirgi eńbek naryǵynyń suranystaryna saı oqyta alatyn tájirıbeli maman bolýy mańyzdy, – dedi BǴM bilim jáne ǵylym salasynda sapany qamtamasyz etý komıtetiniń tóraıymy G.Kóbenova.

Oqı otyryńyz: Bilim mınıstrligi jańa oqý jyly qarsańynda málimdeme jasady