Búgin prezıdent Qasym-Jomart Toqaev Qorǵanys mınıstrliginiń basshylyq quramymen kezdesý ótkizdi. Bul týraly Aqorda saıty habarlady.

Jıyn barysynda otstavkaǵa ketken burynǵy mınıstr Nurlan Ermekbaev sóz sóılep, prezıdentten, Jambyl oblysynyń Baızaq aýdanynda bolǵan qaıǵyly oqıǵadan qaza tapqandardyń aǵaıyn-týysynan jáne zardap shekkenderden keshirim surady.

Búgin Toqaevtyń jarlyǵymen Nurlan Ermekbaev otstavkaǵa ketken bolatyn.

Al onyń ornyna qorǵanys mınıstri bolyp Murat Bektanov taǵaıyndalǵan.

26 tamyzda Jambyl oblysy Baızaq aýdanynda ornalasqan áskerı bólimde saǵat 19.00 shamasynda qoımalardyń birinen órn shyǵyp, birneshe jarylys bolǵan. Sonyń saldarynan 15 adam qaza taýyp, apat bolǵan jerge jaqyn mańdaǵy Qaınar aýylynda úıler men qorajaı búlingen.

Eks-mınıstr Nurlan Ermekbaevtyń jumysy kezinde mundaı oqys jaǵdaı ekinshi ret qaıtalanyp otyr. Buǵan deıin 2019 jyly Arysta joıqyn jarylystar bolǵan edi.