Shymkent qalasyndaǵy perınataldyq ortalyqta kezekti úshemder dúnıege keldi. Qala turǵyny Janna Meldeshova júktiliktiń 34-shi aptasynda Aıym, Rahat, Aıala esimdi sábılerdi dúnıege ákeldi. Shaqalaqtar 28 shilde kúni týǵan. Anasy men balalardyń qazirgi densaýlyǵy jaqsy.

Úshemniń anasy tuńǵyshyn 2010 jyly týǵan. Sol ýaqyttan beri densaýlyǵy syr berip, júkti bolýdy uzaq jyldar boıy josparlap júripti. Osylaısha erli-zaıyptylardyń on jyldan beri bala súıgisi kelgen armandary oryndalyp, anasy birden úsh perzentti dúnıege ákeldi.
Merziminen buryn tolǵaǵy bastalǵan júkti kelinshek pen úsh shaqalaqtyń ómirin aman alyp qalý úshin dárigerler kesar tiligin jasap, operasıa arqyly sátti bosandyryp aldy. Dúnıege eki qyz, bir ul bala keldi.

Úshemderge perınataldyq ortalyqtyń neonatologtary erekshe kútim jasady. Bilikti medısına mamandarynyń qaraýynda bolǵan shaqalaqtardyń bir apta ishinde densaýlyqtary ońalyp, anasymen birge úıine shyǵaryldy.

Aıta keteıik, jyl basynan beri qalada 19 797 sábı dúnıe esigin ashqan. Olardyń 135-i egiz bolsa, tórteýi úshem.