Denesiniń 85-90 paıyzyn kúıik shalǵan Jambyl oblysy Baızaq aýdany Qaınar razezinde ornalasqan 28349 áskerı bóliminiń bastyǵy, kapıtan Erlan Qyrǵyzálıev medısınalyq kómekke muqtaj. Bul týraly jýrnalıs Irına Sovetjanqyzy instagram paraqshasynda habarlady.
Jambyldaǵy jarylysta kúıik shalyp, jansaqtaý bóliminde jatqan Erlan Qyrǵyzálıevtiń ápkesi baýyrynyń jaǵdaıy kúnnen-kúnge nasharlap jatqanyn aıtady. Ol Nur-Sultan qalasynan bilikti dárigerlerdi medısınalyq apparatpen Tarazǵa aldyrýdy surap, quzyrly organdarǵa hat jazǵan.
Sózinshe, Taraz qalalyq aýrýhanasynyń dárigeri inisiniń jaǵdaıy boıynsha Nur-Sultan qalasynyń dárigerlerimen onlaın konferensıa arqyly sóılesken. Nursultan qalasy dárigerleri naýqasty sanavıasıa arqyly Tarazdan astanaǵa jetkizý týraly sheshim qabyldaǵan. Alaıda naýqastyń háli tym aýyr, qan qysymy turaqsyz bolǵandyqtan ony jetkizý múmkin bolmaı tur.
Naýqastyń ápkesi bilikti dárigerlerdi Tarazǵa ákelýdi suraıdy. Ol inisi áskerı qoımada shyn máninde jarylatyn zattyń baryn bilmegenin, sondyqtan "áskerıler qashyp ketti degenmen kelispeıtinin aıtady.
Qazirgi ýaqytta onyń bar qalaýy myqty mamandardy Tarazǵa aldyrtý.
Posmotret etý pýblıkasıý v Instagram
Pikir qaldyrý