Densaýlyq saqtaý mınıstrligi 3 qyrkúıektegi epıdemıologıalyq jaǵdaıdy málimdedi.

Mınıstrik málimetinshe, Qazaqstanda ótken táýlikte PTR arqyly 4830 adamnan koronavırýs, 319 adamnan pnevmonıa anyqtalǵan. 2 qyrkúıekte 98 adam koronavırýstan, 36 naýqas pnevmonıadan kóz jumǵan.

El boıynsha koronavırýsqa tapsyrǵan testi oń nátıje kórsetken jaǵdaılardyń jalpy sany 808 431-ge jetti. Koronavırýs belgileri bar pnevmonıamen aýyrǵandardyń resmı sany – 70 927.

4 qyrkúıektegi málimet boıynsha, 96 156 adam koronavırýs ınfeksıasynan emdelýde, olardyń ishinde 21 070 pasıent stasıonarda, 75 086 naýqas ambýlatorıalyq deńgeıde em qabyldaýda.

1519 adamnyń jaǵdaıy aýyr, 439 pasıenttiń jaǵdaıy óte aýyr, 213 naýqas ÓJJ apparatynda jatyr.

Tórtinshi qyrkúıektegi jaǵdaı boıynsha koronavırýstyń taralýy boıynsha "jasyl" aımaqta Túrkistan oblysy tur.

"Sary" aımaqta Shyǵys Qazaqstan, Soltústik Qazaqstan, Jambyl oblystary bar.

Al "qyzyl" aımaqta Nur-Sultan, Almaty, Shymkent qalalary, Aqmola, Aqtóbe, Almaty, Atyraý, Batys Qazaqstan,Qaraǵandy, Qostanaı, Qyzylorda, Mańǵystaý, Pavlodar oblystary bar.

Búginde el boıynsha koronavırýs ınfeksıasyna qarsy vaksınanyń 1-komponentin 6 787 867 adam, 2-komponentin 5 615 412 adam saldyrǵan.