5 qyrkúıekte Qazaqstannyń bes óńirinde aýa raıyna baılanysty eskertý jarıalandy. Bul týraly Qazgıdromet habarlady.

Túnde 5 qyrkúıekte Qostanaı oblysynyń batysynda, soltústik-batysynda naızaǵaı kútiledi. Soltústikten, soltústik-batystan jel soǵady, kúshi kúndiz oblystyń soltústiginde 15-20 m/s jetedi.

Batys Qazaqstan oblysynyń soltústik-batysynda, soltústiginde naızaǵaı, daýyl, burshaq kútiledi. Soltústik-batystan soqqan jeldiń ekpini 15-20 m/s jetedi.

5 qyrkúıekte kúndiz Túrkistan oblysynyń taýlarynda naızaǵaı kútiledi. Tańerteń jáne kúndiz oblystyń soltústiginde jáne batysynda shańdy daýyl, batystan, soltústik-batystan soǵatyn jeldiń kúshi 15-20 m/s kútiledi. Tótenshe órt qaýipi saqtalady.

Aqmola oblysynyń batysynda naızaǵaı, ońtústik-batystan soǵatyn jel soltústik-batysqa aýysady, kúndiz ekpini 15-20 m/s deıin jetýi múmkin.

Túnde 5 qyrkúıekte Soltústik Qazaqstan oblysynyń batysynda batystan jel soǵady, jeldiń kúshi 15-20 m/s jetedi.