1983 jyly AQSH armıasy Grenadaǵa basyp kirgen bolatyn. AQSH bul tosyn áskerı áreket týraly odaqtastaryna, ásirese Ulybrıtanıaǵa aldyn ala eskertýge úlgermegen. Sol kezde AQSH prezıdenti Ronald Reıgan Ulybrıtanıa premer-mınıstri Margret Techerden keshirim suraıdy. Reıgan men Techerdiń arasyndaǵy qupıa jeke telefon qońyraýlaryn brıtanıalyq The Guardian basylymy jarıalady. Kezinde qupıa bolǵan eki el basshysynyń áńgimesin Qamshy tilshisi oqyrman nazaryna usynady.

Margret: Sálemetsiz be, bul Margret Techer.
Ronald: Margaret, men sizdiń qasyńyzda bolsam, esikten kirmes buryn bas kıimimdi sheship, sizden keshirim suraıtyn edim.
Margaret: O, muny isteýdiń qajeti joq
Ronald: Tyńdańyz ... biz sizdi mazalaǵanymyz úshin qatty ókinemiz. Men sizge bul oqıǵanyń jaı-japsaryn aıtqym keledi. Meni túngi saǵat 3-te Djordjıada gólf demalysynda júrgenimde oıatty. Men onda memlekettik hatshymen birge boldym. Biz Shyǵys Karıb memleketteri uıymynyń shuǵyl ótinishine baılanysty pıjamamen bizdiń qonaq bólmede kezdestik. Bizge birden Vashıngtonǵa qaıtatyn top keldi, biz shuǵyl jospar jasadyq jáne solaı jedel jumystar istedik. Bul siz alańdaýshylyq bildirgennen birneshe saǵat buryn boldy. Men ózim (jaǵdaıdy) bile salǵan kezde, bizdiń kúshter jolǵa shyqty. Árıne, ýaqyt aıyrmashylyǵy bar, sol úshin siz bilgen kúni keshirek sıaqty kórindi. Biz úshin munda tańerteńgi saǵat 5.30 boldy, olar (áskerıler) qonǵannan keıin armıamen ashyq sóılese aldyq.
Margaret: Men sizge jasyryn telefonmen de uzaq sóılese almaımyn. Óıtkeni bul (josparlar) buzylýy múmkin.
Ronald: Iá.
Margaret: Men sezimtaldyqty jaqsy bilemin.
Ronald: Jaraıdy.
Margaret: Iá, bul operasıanyń sátti bolatynyna senemiz.
Ronald: Solaı bolatynyna senimdimiz. Óte keremet júrip jatyr.
Margaret: Jaqsy boldy, Ron siz demokratıany qalpyna keltire alasyz dep úmittenemiz.
Ronald: Biz olardyń úkimetin qalpyna keltirýge kómekteskimiz keledi. Demokratıalyq úkimet qaıta qalpyna kelse, olarǵa Sem aǵaıdyń (Amerıkanyń) eshqandaı qajeti bolmaıdy.
Margaret: Jaqsy, áli jumys kóp, Ron, solaı ma?
Ronald: Iá. jáne...
Margaret: Bul óte qıyn bolady.
Ronald: Biz operasıanyń áskerı bóligi jaqyn arada aıaqtalady dep oılaımyz. Biraq men aıtqanymdaı, biz sizdi renjitkenimiz úshin keshirim suraımyn, biraq bul bizdiń qupıalyqqa qatysty álsizdigimizden qorqýymyz ekenin túsinińiz.
Margaret: Ron, seniń qońyraý shalǵanyń jaqsy boldy.
Ronald: Bul meniń qýanyshym.
Margaret: Men ony baǵalaımyn. Nensı qalaı?
Ronald: Jaqsy.
Margaret: Jaqsy. Oǵan meniń sálemim men mahabbatymdy jetkiz.
Ronald: Bilemin, bári jaqsy.
Margaret: Kóp rahmet, men Parlamentte osy pikirtalasqa qaıta oralýym kerek. Bul sál kúrdeli.
Ronald: Jaraıdy. Olardy kóndirińiz. Olardy tirideı jep qoıyńyz.
Margaret: Kóp rahmet, saý bolyńyz.
Ronald: Qosh bolyńyz.