Prezıdent Q.Toqaev Jambyl oblysynyń ákimi Berdibek Saparbaevtyń esebin tyńdady, dep habarlady prezıdenttiń baspasóz hatshysy Berik Ýálı áleýmettik jelidegi paraqshasynda.
Qasym-Jomart Toqaev Berdibek Saparbaevtyń Baızaq aýdanynda bolǵan tótenshe jaǵdaıdyń saldaryn joıý jónindegi esebin telefon arqyly tyńdaǵan. Prezıdentke 122 jyljymaıtyn múliktiń, sonyń ishinde 106 turǵyn úı, 12 komersıalyq jáne 4 áleýmettik nysannyń qıraǵany jóninde baıandaldy. Qazirgi ýaqytta 12 mekeme, 23 tehnıka men 185 jumysshy qaıta qalpyna keltirý jumystaryna jumyldyrylǵan.
Jambyl oblysy ákiminiń aıtýynsha, búginge deıin 62 turǵyn úı jóndelgen. Jalpy qaıta qalpyna keltirý jumystaryn 10 qarashaǵa deıin aıaqtaý josparlanyp otyr. Jibek joly aýylyndaǵy qıraǵan №5 orta mekteptiń ornyna jańa mektep salynady. Berdibek Saparbaevtyń málimeti boıynsha 26 adam stasıonarda em alyp jatyr. Olardyń 15-i gospıtálda emdelip jatqan áskerı, polısıa jáne Tótenshe jaǵdaılar jónindegi departament qyzmetkeri.
"Jarylystan qaza bolǵandardyń otbasylaryna materıaldyq kómek kórsetilýde, sondaı-aq zardap shekken otbasylardyń jumyssyz múshelerin jumysqa ornalastyrý máselesi sheshilip jatyr. Ekinshi deńgeıli bankterge qaryzy bar mundaı otbasylardyń kredıtterin óteý máselesi tolyq sheshilgen" delingen aqparattyq habarlamada.
Pikir qaldyrý