Áleýmettik jelide Mańǵystaýda atom elektr stansıasyn salý josparlanyp otyr degen aqparat tarap jatyr. Bul aqparatty óńirlik qoǵamdyq komýnıkasıa ortalyǵynda oblys ákiminiń baspasóz hatshysy joqqa shyǵardy. 

– Prezıdent óziniń Joldaýy barysynda úkimetke jáne "Samuryq-Qazyna" qoryna beıbit atomdy paıdalaný múmkindigin qarastyrýdy tapsyrdy. Qazirgi ýaqytta ýákiletti organdar osy tapsyrmany pysyqtaýda. Sonymen qatar, Mańǵystaý oblysynda atom elektr stansıasyn salý máselesi qarastyrylmaǵanyn atap ótken jón, – dedi Mańǵystaý oblysy ákiminiń baspasóz hatshysy Gúlmıra Ábisheva.

Prezıdent bıylǵy joldaýynda Qazaqstanda 2030 jylǵa qaraı elektr qýatynyń tapshylyǵy paıda bolatynyn, álemdik tájirıbe boıynsha munyń eń ońtaıly sheshimi beıbit atom ekenin aıtqan.