Qytaıdyń Fýszán provınsıasynda koronavırýstyń jańa túrin juqtyrýdyń 6 jaǵdaıy jáne aýrý belgisi joq 18  tasymaldaýshy anyqtaldy, dep habarlady RIA aqparat agenttigi.

COVID-19 indetiniń jańa oshaǵy halqy 3 mıllıonnan asatyn Pýtán qalasynyń Sánú ýezinde tirkelip otyr. 

Aldyn ala málimetter boıynsha, munda koronavırýstyń óte juqpaly dep tanylǵan "delta" shtamy taralyp ketken. Dertti juqtyrýdyń alǵashqy jaǵdaıy anyqtala salysymen quzyretti mekemeler jergilikti turǵyndardan 82 myńǵa jýyq synama alǵan. 

11 qyrkúıekten bastap Pýtánda COVID-19-dyń taralý qaýpine baılanysty  marshrýttyq taksılerdiń jumysy ýaqytsha toqtatylǵan. Sonymen qatar basqa aımaqtarmen de jolaýshylar avtobýsy qatynasy toqtatylyp, sport, demalys jáne basqa da oıyn-saýyq oryndary ýaqytsha jabylǵan. 

Koronavırýs órship turǵan elderdiń ishinde  AQSH, Úndistan jáne Brazılıa, Reseı kósh bastap tursa, bul tizim boıynsha Qazaqstan 37 orynda.