Almaty oblysynyń bas sanıtar dárigeri Erǵalı Sydymanov “Altyn orda” bazary men “Aport” saýda ortalyǵynyń nelikten jumys istep turǵanyn túsindirdi.

Brıfıń kezinde "Altyn Orda" bazarynyń jumysy týraly suraq qoıylǵanda oǵan áldekimderdiń jaýap berýge kómekteskeni efırge túsip qaldy.

– Bazardy respýblıkalyq dep aıtyńyz. Biraq onda qajetti shekteýler bar, – dedi áldebireý óńirdiń bas snıtar dárigerine sybyrlap.

Keıin bas sanıtar dáriger áldekimniń aıtqanyn qaıtalap, jaýap berdi.

– Suraǵyńyzǵa rahmet. Biz taǵy da qaıtalap aıtamyz. "Altyn Orda" ol respýblıkalyq úlken saýda bazary, – dep aıtty.

Brıfıńke Almaty oblysy ákiminiń orynbasary Batyrjan Baıjumanov pen Almaty oblysy Densaýlyq saqtaý basqarmasy basshysynyń orynbasary Arman Janseńgirov te qatysqan bolatyn.

Buǵan deıin Almaty qalasynda karantın sharalary kúsheıtilip, barlyq saýda úıleri men ashyq bazarlarǵa shekteý qoıylǵan kezde "Altyn orda" men "Aport moll" jumys istegen bolatyn. Alaıda ony Almaty qalasy ákimdigi atalǵan nysandardyń oblysqa qaraıtynymen túsindirgen.