Almaty oblysy Uıǵyr aýdany Avat aýylynda 46 jastaǵy mektep dırektory asylyp qalǵan, dep habarlady exk.kz saıty.
“Qol astyndaǵy qyzmetkeri men bilim oshaǵy basshysynyń arasynda janjal bolǵan. Mektepte quıtyrqy áreketterge barǵan úshin pedagog jumystan shyǵarylǵan. Desek te álgi qyzmetker sot arqyly qaıta oralyp, dırektorǵa qoqan-loqqy kórsetken. Sottyń barlyq ınstansıalary arqyly shaǵym túsirgen” delingen jazbada.
Marqum Azızjan Daraev 2011 jyldan beri G. Sadvakasov atyndaǵy mekteptiń dırektory bolyp jumys istegen.
Qazirgi tańda mektep dırektorynyń ólimine qatysty qylmystyq is qozǵalyp, tergeý amaldary júrgizilýde. Marqumnyń mundaı áreketke ne sebepti barǵany anyqtalyp jatyr.
