QR prezıdenti  Nursultan Nazarbaev AQSH-qa resmı  is-sapary kezinde Guggenheim, JP Morgan, Pfizer, Blackstone sıaqty kompanıalar ókilderimen, ınvestısıalyq qor men qarjy ınstıtýttarynyń jetekshilerimen kezdesken. Bul týraly «Qamshy» portaly Today.kz-ke silteme jasaı otyryp habarlaıdy.

Kezdesý barysynda kompanıalardyń Qazaqstan ekonomıkasyn damytýdyń basym baǵyttary, ondaǵy AQSH kompanıalarynyń yqpaly men Astananyń halyqaralyq qarjy ortalyǵyn qurý aıasynda yntymaqtastyq máseleleri  talqylanǵan. Atap aıtar bolsaq, aldaǵy «Astana EKSPO-2017» halyqaralyq kórmesi men onyń negizinde Astananyń halyqaralyq bıznes ortalyǵyn qurý máselesine erekshe kóńil bólindi.

Memleket basshysy berilgen jobalarda AQSH kompanıalarynyń belsendi at salysatynyna senimdilik bildirip, eki jaqty paıdaly negizdegi yntymaqtastyq máselelerin kótergen.

Qortyndy sózinde, Memleket basshysy Nursultan Nazarbaev búginde AQSH kompanıalarynyń ekonomıkamyzdyń barlyq salasynda qyzmet atqaryp kele jatqanynyn atap ótken.