Megapolıstiń munaı-gaz sektorynda Shymkent munaı óńdeý zaýyty - «PetroQazaqstan Oıl Prodakts» JSHS ataýymen tanymal. Bul Qazaqstandaǵy úsh munaı óńdeý zaýytynyń biri jáne respýblıkada óndiriletin munaı ónimderiniń jalpy kóleminiń 30%-yn quraıdy.

Qazaqstan Respýblıkasyn ındýstrıalyq-ınnovasıalyq damytýdyń memlekettik baǵdarlamasy sheńberinde 2011 jyly «PetroQazaqstan Oıl Prodakts» JSHS zaýyty modernızasıalaý jáne qaıta jaraqtandyrýdyń aýqymdy jobasyn bastap, 2018 jyldyń sońyna qaraı aıaqtady.

Modernızasıalaý nátıjesinde shyǵarylatyn otynnyń sapasy K-5 halyqaralyq ekologıalyq klassyna deıin artyp, óndiristiń ekologıalyq qaýipsizdik deńgeıin kóterdi. Zaýyttyń jobalyq qýaty jylyna 6 mln.tonnaǵa deıin ulǵaıdy. Sondaı-aq qazaqstandyq naryqtyń qajettilikterin qamtamasyz etý úshin ashyq tústi munaı ónimderiniń óndirisin ulǵaıtty.

Jańǵyrtý jobasy aıaqtalǵannan keıin munda avtomattandyrýdyń, sıfrlandyrýdyń ozyq jańa tehnologıalary, óndiristik prosesterdi odan ári jetildirý jáne shyǵarylatyn ónimniń assortımentin keńeıtý salasynda halyqaralyq tájirıbe keńinen engizilip jatyr.

Búginde «PetroQazaqstan Oıl Prodakts» zaýyty qala búdjetine qomaqty tólem jasaıtyn jáne birqatar áleýmettik jobalardy júzege asyryp otyrǵan, ondaǵan shaǵyn jáne orta bıznestiń qalyptasýy men gúldenýine septigin tıgizip júrgen alyp kásiporyn.