Qala ákiminiń turǵyndardyń jaıly ómir súrýine jaǵdaı jasaý maqsatynda bergen tapsyrmasy negizinde megapolıste birqatar jumystar júrgizilýde. Onyń biri - qala halqyn múmkindiginshe gazben qamtý. Búginde bul kezek kúttirmeıtin mańyzdy másele. Sondyqtan qalada júıeli jumystar atqarylyp, gazben qamtylmaǵan eldi mekender kezeń-kezeńimen kógildir otynǵa qol jetkizip keledi.

Ál-Farabı aýdanyna qarasty Badam -195 oram turǵyndary úshin jaqyn ýaqytta kógildir otyn qol jetimdi bolady.

Shymkent qalasy ákiminiń tapsyrmasyna oraı Ál-Farabı aýdanyna qarasty Badam -195 oram turǵyndaryn tabıǵı gazben qamtý maqsatynda 2020 jyly qurylys jumysy bastalǵan bolatyn. Altalmysh qurylys jumysyn «KOMBI-STROI-1» JSHS merdiger mekeme tarapynan júrgizildi. Qolǵa alynǵan jumystyń nátıjesinde jalpy uzyndyǵy 19,9 shaqyrymdy quraıtyn ishki gaz júıeleri tartylyp, búginde qurylys jumystary 100 % aıaqtalyp otyr.

Qazirgi tańda atqarylǵan jumys boıynsha memlekettik qabyldaý komısıasynyń aktisi túzilip jatyr. Qujattar qyrkúıek aıynyń sońynda tolyǵymen aıaqtalyp, nátıjesinde Ál-Farabı aýdanyna qarasty Badam-195 oramdaǵy 4140 turǵyn qazan aıynan bastap tabıǵı gazben qamtylatyn bolady. Aıta keteıik, 2025 jyly qalada gazben qamtý kórsetkishi 100 paıyzǵa jetedi.