Búgin Shymkent qalasynyń Týrızm jáne syrtqy baılanystar basqarmasy men Túrkistan qalasy Halyqaralyq týrızm jáne meımandostyq ýnıversıteti arasynda týrısik áleýetti jaqsartyp, damytý maqsatynda ekijaqty kelisimge qol qoıyldy.

Ekijaqty kelisim aıasynda týrızm salasynda kásibı mamandardy ázirleý, basqarma men oǵan qarasty «Visit Shymkent» týrısik aqparattyq ortalyǵynda ýnıversıtet stýdentteriniń tájirıbe almasýy, sondaı-aq eki qalanyń týrıserge qyzmet etetin oryndarynyń (qonaq úı, tamaqtaný oryny t.b) qyzmetkerleri arasynda tájirıbe almasýǵa múmkindik týady. Sondaı-aq, aýqymdy is-sharalarda tóbe kórsetip, erikti retinde qyzmet kórsete alady.

Búginde Shymkent qalasynda ishki jáne halyqaralyq týrısik naryqta belsendi segmenttiń qalyptasýy úshin barlyq múmkindikter bar. Zaman talabyna saı, básekege qabiletti týrısik naryq qurýdaǵy eń mańyzdy sharttardyń biri – bul sapaly kadr daıyndaý máselesi. Týrızm salasy boıynsha bilim alyp otyrǵan árbir túlek – óńir týrızminiń damýyna septigin tıgizetini sózsiz. Biz úshin bolashaq týrızm mamandaryn qazirden bastap sala jumysyna tartý jáne jan-jaqty tájirıbeden ótkizý óte mańyzdy. Sol sebepti, aldaǵy ýaqytta Sizdermen birlese sapaly jobalardy júzege asyryp, el týrızmin kórkeıtýge nıettimiz.

Shymkent qalasynyń Týrızm jáne syrtqy baılanystar basqarmasynyń basshysy Erlan Qydyrov ýnıversıtet rektoryna kelýshi týrıserge jaıly jaǵdaı jasaýǵa birige qyzmet etýdi usyndy. Sonymen qatar, stýdentterdi alda Dúnıejúzilik týrızm kúnine oraı ótetin «Shymkent 2200: Týrısik kreatıvti qala beınesi» atty forým-kórmege qatysyp, baq synaýǵa shaqyrdy.