Dárigerler Tarazdaǵy aıaldamalardyń birinde bolǵan jol apaty kezinde zardap shekkenderdiń jaǵdaıy týraly aıtty.

Dárigerlerdiń aıtýynsha, 15 qyrkúıekte saǵat 07.00 shamasynda jedel járdem stansıasyna qońyraý túsken. Myńbulaq yqshamaýdanyndaǵy apattan zardap shekkenderge medısınalyq kómek kórsetý qajet bolǵan.

Barlyǵy tórt adam zardap shekti. Onyń ishinde 58 jastaǵy áıeldiń qazir jaǵdaıy aýyr, jansaqtaý bóliminde jatyr. Omyrtqasy men 5 qabyrǵasy synyp, bas súıegine zaqym kelgen.

Ekinshi zardap shegýshi 28 jastaǵy jigit. Jaraqaty asa aýyr bolmaǵandyqtan alǵashqy járdemnen keıin úıine jiberilgen.

Aıta keteıik, búgin Taraz qalasynda saǵat tańǵy 7-ler shamasynda jol-kólik oqıǵasy boldy. Qatty jyldamdyqpen kelgen kólik aıaldamaǵa shyǵyp, avtobýsqa kirgeli turǵan adamdardy basyp ketken. Saldarynan 2 jaıaý júrginshi oqıǵa ornynda qaıtys boldy, 2 adam Taraz qalalyq №1 aýrýhanasyna jatqyzylǵan bolatyn.

Qazir polıseıler Taraz qalasynyń turǵyny bolyp tabylatyn 23 jastaǵy júrgizýshini anyqtap, ustady. 

Qazir atalǵan fakt boıynsha Qylmystyq Kodekstiń 345-baby 4-bóligi (abaısyzda eki nemese odan da kóp adamnyń ólimine ákep soqqan is-áreket) boıynsha sotqa deıingi tergeý bastaldy.