Baqytjan Tóreǵojına, Ǵalym Aǵeleýov, Elena Semónova sekildi quqyq qorǵaýshylar túrmedegi aqyn, belsendi, dıssıdent Aron Atabekke raqymshylyq jasaý týraly prezıdent Qasym-Jomart Toqaevqa hat jazyp, qol jınaı bastady.

– Bes kún boıy qol jınaımyz. Keıin ol hatty Aqordaǵa jiberemiz. Raqymshylyq týraly komısıa jylyna tórt ret keńes ótkizedi. Men óz jazbamda prezıdenttiń keńesshileri men oǵan jaqyn saıası serikterin belgiledim. Olar máseleni prezıdentke jetkizse, qalaǵan ýaqytynda sheshim shyǵara alady, – dep jazdy Baqytjan Tóreǵojına Facebook-tegi paraqshasynda.

Aıta keteıik, 18 tamyz kúni Azaptaýǵa qarsy ulttyq aldyn alý tetigi tobynyń ókilderi Pavlodar oblysyndaǵy AP-162/1 túzetý mekemesine jazasyn ótep jatqan aqyn Aron Atabekke barǵannan keıin, onyń haliniń nashar ekenin aıtqan edi.

Aron Atabek 15 jyldan beri túrmede otyr. Ol 2006 jylǵy "Shańyraq" oqıǵasynan keıin 18 jylǵa sottalǵan. Sot Atabekti "Shańyraq" oqıǵasy kezinde qaza tapqan polısıa qyzmetkeriniń ólimine aıypty dep tanyǵan.

Toqaevtyń atyna jazylǵan hatty myna siltemeden oqı alasyz.