Qazaqstannyń bas sanıtar dárigeri Erlan Qıasov koronavırýs ınfeksıasynyń taralýyn aldyn alý maqsatynda jańa qaýlysyn jarıalady. 

Qujatqa sáıkes, COVID-19-ǵa kúdikti naýqas tirkelgen jaǵdaıda COVID-19-ben aýyratyn naýqastardan materıal alý jáne tasymaldaý kezinde qoldanystaǵy normatıvtik quqyqtyq aktilerde kózdelgen tártipti saqtaýdy, osy qaýlyǵa 22-qosymshaǵa sáıkes COVID-19 oshaqtarynda dezınfeksıalyq is-sharalar júrgiziletin bolady.

Sonymen qatar COVID-19-ben aýyratyn pasıentpen jaqyn baılanysta bolǵan adamdarda COVID-19-dy juqtyrý táýekeli joǵary bolady.

COVID-19 ınfeksıasyn juqtyrǵany anyqtalǵan naýqaspen jaqyn baılanysta bolǵandardyń qataryna mynalar jatady: 

• COVID-19 jaǵdaıymen bir turǵyn úıde birge turatyn adam;
• COVID-19-ben aýyratyn naýqaspen nemese COVID-19 jaǵdaıynyń ınfeksıalyq bólindilerimen qorǵalmaǵan tikeleı baılanysta bolǵan adam (mysaly, jótelý, qol alysý kezinde jáne t.b.);
• Jeke qorǵanysh maskasyn paıdalanbaı jabyq úı-jaıda (mysaly, synypta, keńeske arnalǵan bólmede, aýrýhanadaǵy kútý bólmesinde jáne t. b.) COVID-19 jaǵdaıymen birge 15 mınýt nemese odan kóp ýaqyt ishinde 1,5 metrden kem qashyqtyqta bolǵan adam;
• ushaqta, qalaaralyq qatynastaǵy avtobýsta, poezda, COVID-19-ben aýyratyn naýqastan kez kelgen baǵytta eki oryndyq qashyqtyqta bolǵan baılanysta bolǵan adam, sondaı-aq COVID-19-ben aýyratyn naýqas ushqan ushaqtyń seksıasyna qyzmet kórsetken ekıpaj músheleri retinde aıqyndalady.

COVID-19-ben aýyratyn naýqaspen baılanysta bolǵan adamdarǵa qatysty qoldanylatyn sharalar kelesidegideı:

• COVID-19-ben aýyratyn naýqaspen baılanysta bolǵan adamdar 14 kúnge úıde oqshaýlanady;
• Oqshaýlaýdyń 3-shi kúni PTR ádisimen COVID-19-ǵa baılanysta bolǵan adamdy (jaqyn baılanys) zerthanalyq tekserý úshin synama alý júrgiziledi;
• 14 kún ótkennen keıin COVID-19 belgileri bolmaǵan jaǵdaıda karantın men oqshaýlaý aıaqtalady.

Qaýly 20 qyrkúıek saǵat 00:00-den bastap kúshine enedi.