Qazaqstannyń eńbek sińirgen qaıratkeri, aqyn, jazýshy Rafael Nıazbek ómirden ótti. Qaraly habardy Qazaqstan jazýshylar odaǵy rastady.

Rafael Nıazbek 1943 jyly 24 naýryzda Jambyl oblysy, Talas aýdanynyń qazirgi Tamabek aýylynda dúnıege kelgen. 1961 jyly orta mektepti, 1978 jyly Qazaq ulttyq ýnıversıtetiniń fılologıa fakúltetin támamdaǵan. Keıin Talas aýdandyq "Lenın joly" gazetinde qyzmet atqarǵan.

1967 jyly Qazaq radıosy ádebıet redaksıasynda qyzmetke ornalasqan. 1971-1977 jyldary "Juldyz" jýrnalynda, 1977-1991 jyldary "Jazýshy" baspasynda redaktor bolyp qyzmet etken. 

Qazaqstan jazýshylar odaǵynyń Ilıas Jansúgirov atyndaǵy syılyǵynyń, Sheshenstan Respýblıkasy joǵarǵy memlekettik "Ult namysy" ordeniniń ıegeri bolǵan.

Sondaı-aq, Baýyrjan Momyshulynyń 90 jyldyǵyna arnalǵan respýblıkalyq aqyndar músháırasynyń bas júldegeri, Taraz qalasynyń 2000 jyldyǵyna arnalǵan respýblıkalyq aqyndar músháırasynyń birinshi júldegeri atanǵan.