Qylmystyq atqarý júıesi komıtetiniń baspasóz qyzmeti Qazaqstannyń burynǵy premer-mınıstri Serik Ahmetovtiń probasıa esebinen shyǵarylǵanyn rastady.

"2021 jylǵy 1 qyrkúıekte S. N.Ahmetov sottalý merzimin óteýine baılanysty jazanyń negizgi túri boıynsha probasıa esebinen shyǵaryldy. Qazirgi ýaqytta belgili bir laýazymdardy atqarýǵa tyıym salý túrindegi qosymsha jaza boıynsha Qazybek bı aýdanynyń probasıa qyzmetinde esepte tur" delingen habarlamada.

Eske sala keteıik, 2015 jyly jeltoqsan aıynda Qaraǵandy oblysynyń qylmystyq ister jónindegi mamandandyrylǵan aýdanaralyq soty burynǵy premer-mınıstr S. Ahmetov pen basqa da laýazymdy tulǵalarǵa qatysty is boıynsha úkimi shyǵardy.

Atalmysh is boıynsha 7 túrli epızodqa sáıkes barlyǵy 21 adam aıyptalǵan bolatyn. Sot talqylaýy 2015 jylǵy 10 tamyzda bastalyp, tórt aıǵa sozyldy.

Sot tergeýi men sot jaryssózderi 2015 jylǵy 9 jeltoqsanda aıaqtaldy. Qaraǵandy oblystyq sotynyń qylmystyq ister boıynsha apelásıalyq soty 2016 jyldyń 14 naýryzda jemqorlyq qylmystyq iske qatysty sotty bolǵan 11 adamnyń jazasyn jeńildetti. Sonyń ishinde Serik Ahmetovtiń jazasy 10 jyldan 8 jylǵa deıin azaıtyldy.